Roam Like Home

Þann 15. júní mun reglugerð Evrópusambandsins um Roam Like Home taka gildi í Evrópu. Við breytinguna stórlækkar verð á símtölum, skilaboðum og gagnamagni þegar þú notar símann í EES löndum Evrópu. Kynntu þér helstu spurningar og svör hér að neðan en ef þú ert ekki viss um eitthvað er einfaldast að senda okkur línu á hringdu@hringdu.is eða hafa samband við þjónustuver í 5377000. 
 

Hvernig virkar Roam Like Home í Evrópu?

Með Roam Like Home geturðu notað farsímann þinn á ferðalagi í EES löndum Evrópu alveg eins og á Íslandi. Þú færð ótakmörkuð símtöl og skilaboð og getur farið á netið með hluta af gagnamagninu þínu án auka kostnaðar. Þegar gagnamagnið í Roam Like Home klárast borgarðu 1,11 kr. ofan á hvert MB sem er eftir í netáskriftinni þinni.

Í hvaða löndum er hægt að nota Roam Like Home?

Austurríki, Belgía, Bretland, Búlgaría, Danmörk, Eistland, Finnland, Frakkland, Færeyjar, Grikkland, Holland, Írland, Ítalía, Króatía, Kýpur, Lettland, Liechtenstein, Litháen, Lúxemborg, Malta, Noregur, Pólland, Portúgal, Rúmenía, Slóvakía, Slóvenía, Spánn, Svíþjóð, Tékkland, Ungverjaland, Þýskaland.

Hversu mikið gagnamagn get ég notað í Roam Like Home?

Gagnamagnið sem fylgir þér í Evrópu ræðst af netáskriftinni sem þú kaupir og er hluti af heildargagnamagninu í netáskriftinni þinni.

Með 1 GB Netið í símann færðu 1 GB í Evrópu.
Með 5 GB Netið í símann færðu 3 GB í Evrópu.
Með 15 GB Netið í símann færðu 4 GB í Evrópu.
Með 25 GB Netið í símann færðu 6 GB í Evrópu.
Með 50 GB Netið í símann færðu 8 GB í Evrópu.

Feitletruðu tölurnar sýna gagnamagnið sem þú getur notað í Roam Like Home án auka kostnaðar. Þegar þú hefur klárað innifalið gagnamagn í Roam Like Home borgarðu 1,11 kr ofan á hvert MB sem er eftir í netáskriftinni. Þegar þú hefur klárað allt gagnamagnið í netáskriftinni borgarðu 350 kr. fyrir hver byrjuð 100 MB eins og á Íslandi.

Sem dæmi ef þú ert með farsímaáskrift og 15 GB net í símann og hefur ekki notað neitt af netinu geturðu ferðast til Spánar og notað 4 GB af gagnamagni án þess að borga aukalega fyrir það. Þegar þú hefur klárað 4 GB borgarðu 1,11 kr. ofan á hvert MB sem er eftir í netáskriftinni þinni (11 GB). Þegar öll 15 GB hafa verið notuð borgarðu 350 kr. fyrir hver byrjuð 100 MB eins og á Íslandi.

Athugaðu að gagnamagnið þitt í Evrópu er ekki viðbótargagnamagn heldur hluti af öllu gagnamagninu í netáskriftinni. Tökum annað dæmi! Þú ert með farsímaáskrift og 15 GB net í símann og ferðast til Spánar. Þegar þú lendir á Spáni ertu búin að nota 13 GB af 15 GB í netáskriftinni. Þá áttu 2 GB eftir sem þú getur notað án auka kostnaðar. Ef þú ferð fram yfir 15 GB borgarðu 350 kr. fyrir hver byrjuð 100 MB eins og á Íslandi.

Hvað kostar að fara á netið þegar ég hef klárað gagnamagnið mitt í Roam Like Home?

Þá borgarðu 1,11 kr. ofan á hvert MB sem þú átt eftir í netáskriftinni. Þegar þú hefur klárað allt gagnamagnið í netáskriftinni borgarðu 350 kr. fyrir hver byrjuð 100 MB líkt og þú gerir á Íslandi. 

Dæmi: Þú ert með 5 GB netáskrift og færð 3 GB í Roam Like Home. Þú ferðast til Ítalíu og hefur þá ekki notað neitt gagnamagn í netáskriftinni þinni. Þegar þú hefur notað 3 GB á Ítalíu borgarðu 1,11 kr. ofan á hvert MB (1.137 kr. per GB) sem þú átt eftir í netáskriftinni. Þú átt 2 GB eftir þannig ef þú fullnýtir þau borgarðu fyrir það samtals 2.274 kr. (2 x 1.137 kr.). Þegar þú hefur notað samtals 5 GB á Ítalíu borgarðu núna 350 kr. fyrir hver byrjuð 100 MB líkt og þú gerir á Íslandi.

Hvað borga ég fyrir símtöl og SMS með Roam Like Home?

Þú færð ótakmörkuð símtöl og skilaboð innan allra og til allra EES landa í Roam Like Home. Með öðrum orðum borgarðu ekkert aukalega fyrir þessa notkun. Símtöl og SMS til landa utan EES (t.d. Kína) eru rukkuð samkvæmt gjaldskrá fyrir notkun erlendis.

Hvað kostar að hringja og senda SMS með Roam Like Home til Íslands?

Ekki neitt!

Hvað kostar að taka á móti símtali í Roam Like Home?

Ekki neitt!

Hvað kostar að hringja og senda SMS með Roam Like Home í íslenskt númer sem er á ferðalagi utan EES?

Það kostar þig ekkert en sá sem þú ert að hringja í þarf líklega að borga fyrir móttekið símtal þar sem hann/hún er ekki í EES landi.

Virkar Útlandapakkinn í Roam Like Home?

Nei. Hann á einungis við um símtöl frá Íslandi.

Hringi ég áfram ótakmarkað til Evrópu, USA og Kanada frá Íslandi?

Já, það helst alveg óbreytt.

Hringi ég ótakmarkað til Evrópu, USA og Kanada þegar ég er í EES landi?

Þú færð ótakmörkuð símtöl frá Evrópu (þegar þú ert staddur í EES landi) til allra EES landa. Símtöl til annara Evrópulanda, USA og Kanada eru ekki innifalin.

Hvað þarf ég að gera til að virkja Roam Like Home?

Ekki neitt! Allar farsímaáskriftir Hringdu fá sjálfkrafa Roam Like Home.

Er eitthvað þak á netnotkun í Roam Like Home?

Já. Þegar notkun á gagnamagni er komin í 7.000 kr. lokum við fyrir netið í símanum og sendum þér SMS. Þér býðst þá að opna fyrir netið með því að svara SMS-inu með kóðanum OPNA.

Mun Ferðapakkinn áfram verða í boði?

Ferðapakkinn verður áfram í boði í Bandaríkjunum og Kanada en fellur úr gildi í EES löndunum þann 15. júní.

Hvað gerist með Roam Like Home í Skandinavíu?

Þú verður áfram með Roam Like Home í Skandinavíu þar sem Danmörk, Noregur, Finnland og Svíþjóð eru öll í EES. Það tekur hins vegar þeim breytingum að þak er sett á gagnamagnið líkt og lýst er hér að ofan. Fjórtán daga hámarkið fellur aftur á móti niður.

Get ég verið búsettur erlendis og notað Roam Like Home?

Roam Like Home er hugsað fyrir einstaklinga á ferðalagi sem eru búsettir á Íslandi. Sé farsímanotkun þín eða viðvera meiri erlendis en á Íslandi áskiljum við okkur rétt til að bæta við álagi á notkunina með 14 daga fyrirvara. Við mælum annars eindregið með að vera með farsímaáskrift erlendis sértu búsettur annars staðar en á Íslandi þar sem innifalið gagnamagn nýtist betur.

Hvað gerist ef ég er í útlöndum þegar Roam Like Home í Evrópu tekur gildi?

Við sendum þér SMS þegar Roam Like Home er orðið virkt. Notkun fram að þeim tíma er samkvæmt verðskrá fyrir notkun erlendis. Ef þú ert skráð/ur í Ferðapakkann þegar Roam Like Home tekur gildi skráum við þig sjálfkrafa úr honum. 

Af hverju fæ ég ekki jafn mikið gagnamagn í Evrópu eins og á Íslandi?

Okkar markmið er að bjóða farsímaþjónustu á frábærum kjörum. Þrátt fyrir að gagnamagn lækki umtalsvert í verði hjá heildsölum okkar borgum við enn töluvert meira fyrir gagnamagn í Evrópu en á Íslandi.  Í stað þess að fara í almennar verðhækkanir á farsímaþjónustu, líkt önnur símafyrirtæki hafa gert, kjósum við að fara þessa leið. Hún er í samræmi við reglugerð Evrópusambandsins um sanngjarna notkun og teljum við hana henta viðskiptavinum okkar best. Langflestir fá gagnamagn sem dugar þeim á ferðalagi og strax í byrjun árs 2018 mun svo gagnamagnið aukast. 

Netspjall

Netspjallið er þægileg leið til að hafa samband við okkur.

OPIÐ NÚNA

Netspjallið er opið:
Virka daga: 10:00 - 18:00

537 7000

Virka daga: 09:00 - 20:00
Laugardaga: 10:00 - 16:00
Sunnudaga: 12:00 - 16:00

Kíkja í heimsókn?

Verslun Hringdu, Ármúla 27. Verslunin er opin:
Virka daga: 10:00 - 17:00

Fyrirtækjaþjónusta

Símanúmer: 537 7070
Netfang: firma@hringdu.is

Hafa samband

Við viljum gjarnan aðstoða þig! Skildu eftir nafn og símanúmer og við höfum samband sem fyrst.